استرجع النجم المصري تامر حسني ذكرى حفله الغنائي بمهرجان موازين سنة 2010، حيث فاق الحضور حينها كل التوقعات وسجل أكبر حضور جماهيرى فى تلك الدورة.
ونشر تامر حسني، عبر حسابه الرسمي على موقع التواصل الاجتماعي “انستغرام”، مقطع فيديو يوثق لحفله بموازين، أرفقه بتعليق جاء فيه: “كل كام يوم هتكلم معاكم عن لحظه مهمه في مشواري جايز تنفع أو تشجع حد محتاج يسمع عنها ، الڤيديو ده مش مجرد ڤيديو حفله في حياتي، لأ ده إنتصار كبير في حياتي بدأت أحقق فيه في سن العشرينات”.
وتابع تامر: “كلام المذيع شهاده عظيمه في حقي وكلام كبير وكتير عليا بشكره من قلبي، حضور 400 ألف شخص محب وانا من بلد تانيه (مصر ) تقدير غالي أوي ليا وللموسيقى المصريه ،، إستقبال الشعب المغربي الغالي العظيم ليا من المطار حتى الفندق وصولاً للحفل و للمطار مره أخرى شعور مستحيل يتوصف لأن العدد ده قادم لشخص واحد مش مثلاً ماتش كوره و فريق كبير”.
وأضاف: “مهما اتكلمت مش هوفي حق أهل المغرب الكرام اللي عيشوني لحظة إنتصار كان أروع لحظات مشواري الفني في وقت كنت بتحارب فيه من ناس كتير كانت مستكتره عليا النجاح … الحمدلله لكل مجتهد نصيب و أتمنى ذهابي المغرب مره تانيه عشان وحشتوني بزااااااااااااف”.